Clattery MacHinery on Poetry

December 28, 2006

Sonny’s Lettah by Linton Kwesi Johnson (LKJ)

 
 

Duration 3:02

 
 

_____

 
 
by Linton Kwesi Johnson (LKJ)
 
 
Sonny’s Lettah (Anti-sus poem)
 
 
Brixton Prison
Jeb Avenue
London, South West 2
Inglan

Dear Ma Maa,

Good Day
I hope that when these few lines reach you
they may find you in the best of health

Ma Maa I really don’ know how to tell yu dis
’cause, I did meck a solemn promise
to teck care a likkle Jim and try
mi best fi look out fi ‘im

Ma Maa a really did try mi best
but none de less
mi sorry fi tell yu sey
poor likkle Jim get aress’
it was de middle a de rush ‘our
when everybody jus’ a hustle an a bustle
fi go ‘ome fi dem evenin’ shower

Me and Jim stand up waiting pon a bus
        not causing no fuss
when all on a sudden a police man
                                pull up
out jump 3 police man
De ‘ole a dem carrying baton

Dem walk up to me and Jim
one a dem ‘ole on to Jim
sey ‘im teckin ‘im in
Jim tell him fi leggo a ‘im
fa ‘im no do nuttin
an ‘im naw tief, not even a button

Jim start to riggle
De police start to giggle

Ma Maa, meck a tell yu weh dem do to Jim
Ma Maa , meck a tell yu we dem do to him

Dem tump ‘im in ‘im belly
        an’ it turn to jelly
Dem lick ‘im pon ‘im back
        an ‘im rib get pop
Dem lick ‘im pon ‘im head
        but it tuff like lead
Dem kick ‘im in ‘im seed
        an it started to bleed

Ma Maa I just couldn’t just stan’ up
        deh a no do nutten

So mi juck one ina ‘im eye
        an ‘im started to cry
Mi tump one in ‘im mout
        an ‘im started to shout
Mi kick one pon ‘im shin
an ‘im started to spin
Mi tump ‘im pon ‘im chin
        an ‘im drop pon a bin
                        an crash an dead

Ma Maa more police man come down
        an beat me to de ground

Dem charge Jim fi sus
Dem charge mi fi murder
Ma Ma!        Don’t fret
don’t get depress an down ‘earted
be of good courage

Till I hear from yu

I remain your son

Sonny
 
 

_____

 
 

 
 

_____

3 Comments »

  1. Comment by Ojimenez — November 16, 2007 @ 5:52 pm

  2. Nice. Thank you, Ojimenez.

    C.

    Comment by Clattery MacHinery — November 17, 2007 @ 1:24 am

  3. You’ve been good inspiration to me, I’ve been listening to you work since I was at school I still do my the father bless you….

    Comment by Hebert Nkala — March 9, 2012 @ 4:14 am


RSS feed for comments on this post. TrackBack URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Blog at WordPress.com.

%d bloggers like this: